17/05/2020 “ Mutetus frorius “ di Raffaele Lussu
“ Mutetus frorius “
Segunda fasi.
1
Custa sa segunda fasi
totu timi, timi, andeus
po non tòrrai arrui.
Rima
Deu domandu a Tui
poita Santu e Deus
si nanta de oi a crasi.
2
Non tèneus certezza
camminendi in su scuriu
cun custa qorantena.
Rima
Su coru miu in pena
ti giuru amori miu
ti mandu una carezza.
3
Custa separazioni
tanti tempus aìci
mi pungit a su coru.
Rima
Gei scisi ca deu t’adoru
e bòlu bivi felici
ses tui sa soluzioni.
4
Speru chi giri su bentu
e ndi pighit custu mali
ponendiddu foras de usu.
Rima
Si amori non podis prusu
mandamìddi su sinali
ca m’has biri cuntentu.
5
Totu su mundu è tristu
po crupa de custa araxi
pagu giusta e sincera.
Rima
Deu ti fazu una preghiera
po si tòrrai sa paxi
pensanci Tui o Gesù Cristu.
6
Asuta de s’ombrelloni
crasi tòrraus a mari
e feus unu bellu tuffu.
Rima
De pandemia seu stuffu
Immòi totus impari
festa, missa e prufessoni.
Raffaele Lussu
Sinnai 16/05/2020