22/04/2020 “ Mutetus po su coronavirus “
di Raffaele Lussu
PDF “ Mutetus po su coronavirus “
“ Mutetus po su coronavirus “
Deu non seu cantadori.
1
Cantadoris de fama e poesia
Custus arregordus pinigaddus
Ca s’idea est sana e giusta
E deu puru non biu s’ora
De mi podi ancora trateni
In bidda oppuru a Nurri
E de si biri in palcu cantendi
Tòrrendi gratzias a Deus.
Rima
Feus curri ancora cuaddus
Passendi beni custa pandemia.
2
Dònnia dì seus mesurendi
De Sardinia a Continenti
E ancora deu non ddu sciu
Ma de siguru est unu burdu
Meda genti è tòrrendi a Deus
Mancai fessit meda arest
E deu tristu non ci gosu
Ca marigosu est su gustu.
Rima
Custu est surdu e prepotenti
Nosu tèneus axìu cantendi.
3
Sa scièntzia depit imbentai
Po salvai su mundu e Comu
E po non fai tracollu
Unu vaccinu cun ferenu
M’heis a scusai sa frasi
Ma custu est un’ossu duru
S’invocaus a Santa Rita
Ca deu puru meda in creu.
Rima
Deu aturu serenu in domu
Poita crasi bollu raccontai.
4
Medas animas hant bolau
Spopulendi custa terra
Po tòrrai a su celu creu
Peccadori o anima giusta
Deus d’arrìccidi de siguru
Senz’e ddu lassai sbatti, sbatti
Mancai siat imputau e reu
Mellus po issu perdonau.
Rima
Nau a cumbatti custa gherra
Deu puru seu arruolau.