02/05/2020 “ Su primu de maju “di Raffaele Lussu
“ Su primu de maju “
Maju festa de is traballantis
Po onorai totu custu traballu
Ma is disoccupaus funt tantis
Chi non ponint cosa in su callu.
Est inutili essiri amantis
Si non podis intrai in su ballu
Sesi specialista ma non ti bantis
Senz’e traballu cind’est unu tallu.
In su mundu ci bolit bidea noa
Su dinai spendiu beni in cultura
A sa terra donai pregiu e valori.
De andai ainantis tòrraus agoa
Senz’e spendi su dinai in bruvura
Candu podeus bivi cun s’amori.
Raffaele Lussu
Sinnai 01/05/2020